Gin-turn over na sang Provincial Government subong nga adlaw ang lima ka milyon nga budget para sa Family & Youth Development Center sa banwa sang Sara subong nga adlaw.

Ini opisyal nga ginturn-over mismo nanday Governor Arthur ‘Toto’ Defensor Jr., Provincial Population Office head Atty. Ruel Von Superio, BM Esara Javier Aldeguer, kaupod man ang iban nga opisyales sang Provincial Government ang tseke sa lima ka pilot municipalities kalakip na diri ang banwa sang Sara bilang beneficiary sa Quinto Distrito (District V).

Ang tseke amu ang ginbaton nanday Mayor Jon N. Aying, Municipal Treasurer; Ms. Lovella Ariola , Municipal Engineer; Vicente Millares, kag Population Program Officer I; Jayson A. Esteba.

Gamiton ang lima ka milyon para sa konstruksyon sang duha ka panalgan nga building kun sa diin ang ground floor ang mangin Family Development Center, samtang ang second floor naman ang mangin Youth Development Center kag mahimo mangin opisina kag session hall sang Federated Sangguniang Kabataan sang banwa, kag iban pa nga organisasyon sang pamatan-on.

Sa mensahe ni Gov. Defensor, iya ginpasalig nga indi lamang lima ka banwa ang makaangkon sang amo nga proyekto kundi ang tanan nga kabanwahan sa probinsya sang Iloilo.

Subong nga tuig umpisahan ang pag-construct sang nasambit nga building nga igahamtang sa Pob. Ilawod.

SARA GUGMA KO!