Naghiliusa ang Sara Municipal Police Station (SMPS) kag LGU-Sara sa paghiwat sang Drug-Free Run subong nga adlaw (Hunyo 20, 2026) bilang kabahin sang kampanya kontra ilegal nga droga kag pagpalig-on sang kaalam sang publiko bahin sa importansya sang himsog kag matinlo nga pagpangabuhi.
Gintambungan ini sang nagkalain-lain nga sektor sang komunidad lakip na ang mga opisyales sang mga barangay, mga empleyado sang LGU-Sara, mga kapulisan, mga estudyante, kag iban pa nga mga residente nga nagpakita sang ila suporta sa ini inisyatibo.
Paagi sa Drug-Free Run, ginpabutyag ang pagbinuligay sang lokal nga panguluhan, kapulisan, kag komunidad sa pagpadayon sang kampanya para sa isa ka malinong, luwas, kag drug-free nga banwa. Nagserbe man ini bilang pamaagi sa pagpromote sang aktibo kag himsog nga pangabuhi para sa tanan.
Nagpasalamat naman ang mga organizers sa tanan nga nagpartisipar kag nakigbahin sa aktibidad, nga nagapakita sang nagapadayon nga suporta sang komunidad sa mga programa nga nagatuyo sang kaayuhan kag kaluwasan sang pumuluyo sang Sara.
