Ginpahibalo sang Lokal nga Panguluhan sang Banwa sang Sara nga paagi sa Executive Order No. 47, Series of 2026, ginadeklarar ang Hunyo 25, 2026 bilang Post-Festival Rest Day, kasunod sang masinadyahon kag madinalag-on nga pagsaulog sang Municipal Fiesta kag 25th Sulay Basya Festival.
Bilang pagkilala sa daku nga partisipasyon kag pagbinuligay sang mga empleyado sang gobyerno, mga pumuluyo, mga bisita, kag nagkalain-lain nga sektor sang komunidad sa mga aktibidad sang pista, ginakabig nga importante ang paghatag sang tion para sa pagpahuway kag pagpanumbalik sang kusog antes magbalik sa normal nga buluhaton.
Tungod sini, ginasuspender ang trabaho sa tanan nga opisina sang LGU-Sara sa Hunyo 25, 2026, luwas sa mga opisina kag personnel nga nagahatag sang importante nga serbisyo pareho sang panglawas, emerhensya, disaster response, kag pagmintinar sang katawhayan kag kalinong.
Gina-encourage man ang mga pribado nga establisyemento kag mga eskwelahan sa banwa nga obserbaron ang nasambit nga adlaw bilang adlaw sang pagpahuway ukon magpatuman sang angay nga alternatibo nga mga kahimtangan sang trabaho kag klase, suno sa ila tagsa ka sitwasyon.
Nagapasalamat ang Lokal nga Panguluhan sa padayon nga suporta, kooperasyon, kag aktibo nga partisipasyon sang tanan nga nagpabakod sa kalampusan sang aton pista.
Madamo gid nga salamat kag padayon nga mag-halong kita tanan. See you sa Basyahanay 2026 bwas!
SARA GUGMA KO!
