Hulyo 4, 2026 – Nagpatigayon sang isa ka makahulugan nga Tree Planting Activity ang Philippine Youth Association in the Philippines (PYAP) Sara Chapter sa Sitio Likuan, Brgy. Tady, Sara, Iloilo bilang kabahin sang selebrasyon sang ika-52 nga PYAP Founding Anniversary kag sa pagpakigbahin sa programa sang probinsya nga Tanum Ta Iloilo.
Gintambungan ini sang mga opisyal kag miyembro sang PYAP Sara, LGU-Sara, PNP-Sara, Barangay Tady Offocials, kag mga boluntaryo nga nagtiniripon agud magtanum sang mga kahoy bilang simbolo sang ila paghigugma kag pag-amlig sa kinaiyahan.
Suno sa mga partisipante, ang aktibidad nagapakita nga ang kabataan may daku nga papel sa pagpreserbar sang aton palibot para sa palaabuton nga henerasyon. “Ang makita ang aton mga kabataan nga nagapalangga sa aton dunang-manggad amo ang isa sa pinakanami nga inspirasyon sa sini nga adlaw,” pahayag sang isa sa mga nagdumala sang aktibidad.
Paagi sa sini nga inisyatibo, ginpakita sang PYAP Sara nga ang kabataan indi lamang aktibo sa mga programa pangkomunidad kundi nangin instrumento man sa pagpaluntad sang kahimtangan sang kalikupan kag sa pagpatigayon sang mga tikang para sa mas berde kag mas matinlo nga palaabuton.