Ginselebrar sang Municipality of Sara ang 2nd Municipal Coconut Celebration 2026 subong, Agosto 20, 2026, sa Sara Activity Center, nga naghatag-pagkilala sa daku nga papel sang lubi sa pangabuhi sang mga mangunguma kag sa lokal nga ekonomiya.
Nagsugod ang selebrasyon sa Foot Parade, nga ginsundan sang programa kag nagkalain-lain nga aktibidad para sa coconut farmers, stakeholders kag mga partisipante. Lakip diri ang Coconut Dish Contest, Coco Bigat Contest kag Coco Dami Contest, upod ang awarding sang mga nagdaog kag paghatag sang certificates.
Sa iya mensahe, gin-emphasize ni Mayor Jon N. Aying nga indi lamang dapat ginahatagan sang importansya ang lubi durante sa Coconut Week, kundi dapat ini kilalahon bilang isa ka crop nga may padayon nga ani kag daku nga kontribusyon sa pangabuhi sang mga mangunguma.
“Everyday is a coconut day, kay indi pareho sang humay kag mais nga seasonal ang ani—ang coconut, everyday.”
Para kay Mayor Aying, ang mensahe nagapakita nga ang lubi indi lamang produkto kundi padayon nga source of livelihood kag oportunidad para sa mga pamilya kag komunidad.
Sa pagpadayon sang selebrasyon, ginapalig-on sang LGU-Sara ang suporta sa mga coconut farmers kag ang pagpalambo sang coconut industry bilang kabahin sang mas malig-on kag sustainable nga agricultural development sang banwa.