Proud Saranhon gid kita! Isa sa mga nagapabugalon sa ngalan sang Sara, Iloilo amo ang Vernice Rose Integrated Farm, nga nagdala sang lokal nga talento kag pagkamamugnaon sa Coconut Philippines Trade Fair 2026 nga ginhiwat Agosto 26–30 sa SMX Convention Center Manila, Pasay City.
Bida sa ila booth ang mga bags nga obra sa lubi, nga may mga disenyo nga modern, elegante kag matahum nga estilo. Indi lamang ini ordinaryo nga mga bag, kundi isa ka produkto nga nagapakita nga ang lubi mahimo mangin obra-maestra kag mapuslanon nga produkto paagi sa pagkamainobasyon sang aton mga lokal nga mangunguma kag MSMEs.
Paagi sa sini nga mga produkto, napakita sang Vernice Rose Integrated Farm nga ang produkto sang Sara may kalidad, may estilo, kag may lugar sa mas daku nga merkado.
Bugal sang Sara, talento sang Saranhon, kag produkto nga dapat ipabugal gid naton!
