Nagpatuman ang Department of Science and Technology (DOST) Region VI sang installation sang Automated Weather Station (AWS) sa Barangay Tentay, Sara, Iloilo bilang kabahin sang proyekto nga “Smarter Approaches to Reinvigorate Agriculture as an Industry in the Philippines Regional Hubs (Project SARAI)”, Setyembre 3, 2026.
Dugang pa, naghatag man sila orientation sa mga personnel kon paano gamiton ang nasambit nga technology.
Pinaagi sa AWS, makakuha sang mas ensakto kag regular nga impormasyon parte sa kahimtangan sang panahon, nga makabulig sa weather monitoring, pagplano sa agrikultura, disaster preparedness kag pagdesisyon sang mga mangunguma.
Ginapangabay man sang DOST ang partisipasyon sang LGU-Sara personnel, ilabi na halin sa Municipal Agriculture Office (MAO) kag Municipal Disaster Risk Reduction and Management Office (MDRRMO), para sa installation kag technical orientation.
Ang pagbutang sang AWS sa Barangay Tentay ginapaabot nga mangin dugang nga instrumento sa pagpalig-on sang climate-smart agriculture kag disaster preparedness sa banwa sang Sara, bilang kabahin sang mas daku nga inisyatibo sang DOST Region VI paagi sa Project SARAI.
