Isa ka Legal Outreach Lecture sang Central Philippine University (CPU) College of Law, paagi sa Clinical Legal Education Program (CLEP), para sa mga opisyal sang barangay kag miyembro sang mga organisasyon sang kababayen-an sa banwa sang Sara, Iloilo, sang Oktubre 22, 2026.
Gintalakay sa ginpatigayon nga aktibidad ang Safe Spaces Act (RA 11313) kag Anti-Violence Against Women and Their Children Act (RA 9262), nga nagatuyo sa pagpalapnag sang ihibalo tuhoy sa legal nga kinamatarong, responsibilidad, kag proteksyon batok sa pagpang-abuso kag pagpangharas.
Ini nga inisyatibo nagapakita sang importansya sang legal nga edukasyon sa pagtukod sang mas luwas, patas, kag responsable nga komunidad.
