ISA KA KADALAG-AN NGA DALA ANG BUGAL KAG DUNGOG! — Naghatag sang panibag-o nga kadungganan ang Vernice Rose Integrated Farm (Barangay Latawan, Sara, Iloilo) matapos nakuha ang ikatatlo nga pwesto bilang Top Seller sa Non-Food Category sa ginhiwat nga DTI-Bagong Pilipinas National Trade Fair featuring COCONUT Philippines 2026 sang Oktubre 21–25, 2026, sa SM Megamall, Mandaluyong City.
Ang nasambit nga pagkilala gin-award sang Oktubre 25, 2026, bilang pagpasidungog sa ila pinasahi nga kadalag-an sa pagbaligya kag maayo nga pagdumala sang negosyo sa tunga sang mga nagpakigbahin sa nasambit nga nasyonal nga patigayon.
Ini nga kadalag-an nagapakita sang ila dedikasyon, pagkamamugnaon, kag wala untat nga pagpanikasog agud mapauswag ang ila mga produkto kag negosyo.
Labaw sa tanan, ang sini nga pagkilala nagaserbe nga inspirasyon sa iban pa nga lokal nga negosyante nga padayon nga nagapangabudlay agud makilala ang ila mga produkto sa bug-os nga pungsod.
