Naglab-ot sa 412 ka mga aplikante para sa Marso 2027 Civil Service Examination ang ginserbisyuhan sang Civil Service Commission (CSC) Region VI paagi sa pagpatigayon sang on-site application service sa banwa sang Sara subong nga adlaw, Nobyembre 5, 2026.
Paagi sa nasambit nga serbisyo, personal nga nagpadulong ang mga personnel sang CSC Region VI sa banwa sang Sara agud magbaton kag magproseso sang mga aplikasyon para sa palaabuton nga Civil Service Examination.
Katuyuan sang on-site application service nga mapalapit ang serbisyo sang CSC sa mga aplikante, agud indi na nila kinahanglan magbiyahe sa mas malayo nga mga opisina para lamang makapasa sang ila aplikasyon.
Ini nga inisyatibo naghatag sang mas mahapos kag mas accessible nga proseso sa mga residente sang Sara kag kasilingan nga banwa nga nagahandum nga makakuha sang Civil Service Eligibility kag makaserbisyo sa gobyerno.
Ang nasambit nga aktibidad kabahin sang pagpanikasog nga mapalapad ang akses sang publiko sa mga serbisyo sang Civil Service Commission.
