Bilang bahin sang padayon nga kampanya para sa matinlo kag berde nga palibot, ginpatigayon sang Lokal nga Panguluhan sang Sara ang Trash Walk Activity sang Nobyembre 9, 2026, sa pagpanguna sang Municipal Department of Environment and Natural Resources (MDENR).
Ang aktibidad naglakip sang pagpangpulot sang basura sa mga natalana nga ruta halin sa Barangay Preciosa kag Crossing Labigan pakadto sa Sara Public Plaza.
Ginatuyo sang inisyatibo nga palig-onon ang disiplina, paghiusa, kag responsibilidad sa pag-amlig sang palibot.
Kay ang matinlo nga Sara, nagasugod sa tagsa ka Sarahanon!
