Ang sa mga barangay nga indi upod sa poblacion or urban barangays, case to case basis ang pagkuha sang basura depende sa tawag sa banwa sang in-change sa barangay. Dira maga action ang aton collectors.
Manami pa gid kon sa kada sitio o purok may mga MRF man para indi malayo sa mga pomoloyo sa pag dul-ong sang ila panimalay nga basura. Puede gid ina libuton nga mga Purok MRF sang aton collectors basta may coordination lang sang Barangay. Pero, indi na sila mag house-to-house kay kadamo pa sang mga barangay nga ginalibot man sang aton mga collectors.
Dapat kag dapat gid nga segregated o ginapain-pain gid ang mga basura kag isulod sa supot o sako para indi man mabudlay sa mga collector. Tandaan naton nga indi ina sila personal naton nga sulogoon. Kinahanglan gid ang supervision sang purok o barangay leader/in-charge sa pag-segregate sa purok o barangay MRF.
Kinahanglan mag kooperar gid kita. Diri gid naton matakos kag mapakita ang aton pagkabalaka, disiplina kag pagpalangga sa aton banwa kag kalikasan. Thank you.