Nakabaton sang pagkilala bilang “Silver Awardee” ang MDRRMO-Sara sa ginpatigayon nga Regional VI Disaster Risk Reduction and Management (DRRM) Assessment Recognition Ceremony sang Abril 28, 2026 sa Iloilo Grand Hotel.

Ang nasambit nga seremonya ginhiwat agud kilalahon ang dedikasyon sang mga lokal nga panguluhan sa paghatag prayoridad sa seguridad, kahandaan, kag katatagan sang ila tagsa ka komunidad batok sa kalamidad kag iban pa nga peligro.

Nagtambong sa amo nga okasyon sanday Mayor Jon N. Aying kag Ret. Col. Edwin Aguenido, LDRRMO sang banwa sang Sara.

Sa mensahe ni Governor Arthur Defensor Jr., iya ginpatin-aw ang Executive Order 111 nga nagapatuman sang isa ka mas malapad kag organisado nga sistema para sa kapayapaan, kaayusan, kag katatagan sa bug-os nga probinsya sang Iloilo.

Kaupod sa paghatag sa pagkilala amu kanday Gov. Arthur Defensor Jr., Undersecretary Harold Cabreros and OCD VI Regional Director Raul Fernandez, Board Member Rolando Distura, kag Provincial Disaster Risk Reduction and Management Office chief Col. Cornelio Salinas (Ret.).

Ang ini nga inisyatibo nga ginatawag “4K for MoRProGRes” ukon “Kapayapaan, Kaayusan, kag Katatagan Tungo sa Kaunlaran sang Bagong Pilipinas” naga panawagan sang pagbinuligay sang tanan nga sektor agud maprotektahan ang kaayuhan kag seguridad sang tagsa ka Ilonggo batok sa internal kag external nga mga hulga.

Nagapakita ini nga pagkilala sang padayon nga pagpaninguha sang MDRRMO-Sara sa pagserbisyo kag pagpalig-on sang kahandaan sang komunidad sa tion sang kalamidad.

𝗦𝗔𝗥𝗔 𝗚𝗨𝗚𝗠𝗔 𝗞𝗢!

^{View original post on Facebook}