Ginpatigayon subong nga adlaw, Mayo 12, ang “National Validation for the Search for Most Outstanding IA – CARP-IC Category” sa opisina sang Seruco (Babtesan) Irrigators’ Association, Inc. sa Brgy. Tentay, Sara, Iloilo.

Kabahin sang aktibidad ang presentasyon sang mga accomplishments kag programa sang Irrigators’ Association agud mapakita ang ila kontribusyon sa pagapa-uswag sang irigasyon kag agrikultura sa banwa.

Nag-atender man sa amu nga aktibidad sanday Mayor Jon N. Aying, mga opisyal sang National Irrigation Administration (NIA), kag iban pa nga stakeholders nga nagasuporta sa sektor sang panguma.

Ang validation nagatinguha nga kilalahon ang mga organisasyon nga nagapakita sang maayo nga pangdumalahan, episyente nga serbisyo, kag padayon nga suporta sa mga mangunguma.

Para sa aton ihibalo, ang Serruco (Babtesan) Irrigator’s Association nagahandom sang isa ka modelo nga asosayom paagi sa pagdumalahan sang mga responsae, aktibo, kag tampad nga mga lideres sa paghatag sang serbisyo, para sa bugana kag mainuswagon nga pagpangabuhi sang mga masinulundon kag aktibo na mga katapo sa isa ka matawhay kag matinlo nga komunidad.

SARA GUGMA KO!