Ang programa nga “Bayanihan sa Bukas na May Pag-asa sa Turismo” (BBMT) amu ang nagahatag sang seguridad sa aton mga tourism workers, kasubong sang tour guides, hotel staff, boat operators kag kalan-an nga ang palangabuhian amo ang na apektohan sang bagyo, baha ukon ano pa nga kalamidad.

Sila nakabaton sang balor Php 10,325.00, bulig para sa aton mga tourism workers nga may idugang sila inugbakal sang ila pagkaon, bulong ukon pang repair sang ila balay.

Sa pag panguna sang aton Municipal Tourism Division ang anay gina kabig nga mga informal ukon seasonal workers sa banwa sang Sara isa na subong ka priyoridad sang aton banwa kay kita nagapati gid nga kung maguba ang turismo sang aton banwa gilayon man ang pagka dula sang palangabuhian sang mga Saranhon.

Amon man gina inganyo ang mga tag-iya sang mga Tourism Establishments nga mag kooperar sa aton munisipyo agud sa mga benepisyo kasubong sang nasambit nga programa.

Sa mga palamangkutanon kag dugang nga impormasyon, magkadto lamang sa MGLAD office kag pangitaon ang aton Tourism Officer Designate; Ms. Chantelle Marie Santillan ukon ang aton Tourism Staff; Ms. Lhoriebeth Esperida.

SARA GUGMA KO!