Ginhiwat ang Installation Program kag pagpanumpa sang apat ka bag-o nga school principal sa Banwa sang Sara bilang kabahin sang padayon nga pagpalig-on sang kalidad sang edukasyon sa banwa.
Ang mga bag-o nga principal amo sanday:
- Sir Jun Victor Bactan – Principal IV sang Sara National High School
- Ma’am Herna Querubin – Principal II sang Sara Central Elementary School
- Ma’am Lucia Pableo Aguirre – Principal I sang San Luis Elementary School
- Ma’am Novella Gabayeron – Principal II sang Malapaya National High School
Ginpangunahan ni Sir Marlon P. Destreza, EdD, Assistant Schools Division Superintendent ang pagpanumpa sang apat ka bag-o nga principal kaupod ang mga opisyales sang Department of Education, lokal nga panguluhan, kag mga stakeholders.
Nagpahayag si Sir Jun Victor Bactan sang iya handum para sa padayon nga pag-uswag sang edukasyon sa banwa. “I will cooperate and ensure that every Saranhon competently and education is being prioritize,” siling niya.
Nagpasalig man si Ma’am Herna Querubin nga mangin mapinalanggaon kag masaligan nga lider para sa mga estudyante kag komunidad sang eskwelahan. “As I accept this role, I do so with a sincere commitment to lead with a listening heart, to serve with compassion, and to always put our learners at the center of everything we do,” pahayag niya.
Samtang, ginpabutyag naman ni Ma’am Novella Gabayeron ang iya bisyon para sa padayon nga pag-alagad. “A future we are envision… Padayon sa Pag-alagad, Padayon sa Pagserbisyo. Indi na One San Dionisio, kundi Sara Gugma Ko!” suno sa iya mensahe.
Nagpahayag man si Ma’am Lucia Pableo Aguirre sang importansya sang innovation kag pagserbisyo sa edukasyon. “I will apply innovation if ever. I believe that education is not about authority but about service, about listening to the stakeholders, guiding, and working hand in hand with every member of the school community,” siling niya.
Sa pihak naman sang lokal nga panguluhan, ginpasiguro ni Mayor Jon N. Aying ang suporta sang LGU Sara sa mga bag-o nga lider sang edukasyon. “The Local Government Unit of Sara stands firmly to support whatever you need within our capacity,” pahayag sang alkalde.
Ang installation program nagpakita sang isa ka bag-o nga tikang padulong sa mas mabakod nga liderato kag mas mataas nga kalidad sang edukasyon para sa kabataan sang banwa sang Sara.