Nagtipon ang mga miyembro sang Municipal Disaster Risk Reduction and Management Council (MDRRMC) para sa ila 2nd Quarter Meeting nga ginhiwat sa Municipal Evacuation Center sang Hunyo 30, 2026 agud talakayon ang mga inisyatibo para sa disaster preparedness, emergency response, kag pagpalig-on sang koordinasyon para sa kaluwasan sang katawhan.
Isa sa mga importante nga napag-istoryahan sa miting amo ang rekomendasyon sa pagrealign kag paggamit sang P4.3 milyon nga wala nagasto nga pondo sang CY 2025 70% Municipal Disaster Risk Reduction and Management Fund (MDRRMF). Ang nasambit nga pondo pagagamiton para sa pagkuha sang mga kagamitan para sa disaster prevention, mitigation, kag preparedness.
Lakip sa mga prayoridad nga proyekto ang pag-angkon sang end-to-end communication equipment, early warning devices, firefighting equipment, kag pagdugang sang pondo para sa pagbakal sang isa ka dump truck nga magabulig sa disaster response, debris clearing, evacuation, relief distribution, kag emergency logistics.
Sa padayon nga pagpangabudlay sang LGU Sara, ginapakita sini ang matibay nga paningwa nga mapalig-on ang kahandaan sang banwa batok sa mga kalamidad, mapauswag ang katakus sa pagresponde sa emerhensya, kag maprotektahan ang kaayuhan sang tagsa ka Saranhon.
Padayon nga nagatinir, nagahanda, kag nagabinuligay ang LGU Sara para sa mas luwas, mas preparado, kag mas mabakod nga komunidad.
