Nagpatigayon ang Agricultural Training Institute β Regional Training Center VI (ATI-RTC VI), sa bulig sang Philippine Coconut Authority (PCA), sang βTraining on Coconut Nursery Establishment and Management Batch Vβ nga ginhiwat sang Mayo 12-14, 2026 sa NBJ Farm, Brgy. Merced, Banate, Iloilo.
Kabahin sang nasambit nga training amo ang pagpalapnag sang husto nga ihibalo kag kasanag sa pagpatubo kag pagdumala sang coconut nurseries agud mapauswag ang kalidad sang mga seedling kag mapabakod ang industriya sang lubi sa Western Visayas.
Gin-imbitar man sa programa si Mr. Cesario B. Mestidio III, Agroforestry Officer, agud magbahin sang iya eksperyensya kag magbulig sa practicum activities nga naga-angot sa nursery establishment, seedling propagation, field planting kag nursery operations.
Lakip sa mga topiko nga ginatalakay amo ang nursery site selection, seedbed preparation, polybagging, irrigation, weed management, pest and disease control, kag nursery accreditation/certification.
Suno sa ATI-RTC VI, dako ang mabulig sang amo nga training sa pagpalig-on sang kahibalo kag abilidad sang mga mangunguma sang lubi sa rehiyon kag sa pagpauswag sang sektor sang agrikultura.
