Ginapanawagan sang Municipal Department of Agriculture ang tanan nga hog raisers kag pumuluyo sa Banwa sang Sara nga magsunod sa mga nagakaigo nga tikang agud malikawan ang paglapta sang African Swine Fever (ASF).
✔️Indi magpasulod sang baboy nga halin sa mga lugar nga may kumpirmado nga kaso sang ASF kon wala sang insakto nga papeles kag inspeksyon.
✔️Padayuna ang paghugot sang biosecurity pinaagi sa permi nga paglimpyo kag pag-disinfect sang babuyan, kagamitan, salakyan kag sapatos.
✔️Likawi ang pagpakaon sang damog ukon bilin-bilin nga pagkaon nga wala naluto sing maayo.
✔️I-isolate ang bag-o nga baboy sulod sang 2 tubtob 4 ka semana antes i-upod sa iban nga mga baboy.
✔️Indi magpasulod sang mga indi awtorisado nga tawo sa sulod sang babuyan.
✔️Obserbahi adlaw-adlaw ang kahimtangan sang mga baboy. Kon may mataas nga hilanat, wala gana magkaon, ukon gulpi nga pagkapatay, i-report ini dayon.
✔️Indi pag-ibaligya ukon pagbalhinon ang mga baboy nga ginadudahan nga may ASF.
✔️Ang patay nga baboy dapat ilubong ukon ihaboy suno sa ginapatuman nga pamaagi sang mga otoridad. Indi ini paghaboya sa sapa, kanal ukon bakante nga lugar.
📌PAHANUMDOM: Ang ASF indi makalalaton sa tawo, apang makapatay ini sa mga baboy kag makahatag sang daku nga kapierdehan sa aton mga hog raisers. Ang temprano nga pagreport kag pagsunod sa biosecurity amo ang pinakaepektibo nga paagi agud mapunggan ang paglapta sini.
Kon may ginadudahan nga kaso sang ASF, palihog magreport dayon sa Municipal Department of Agriculture.
