Naghiliusa ang Local Government Unit of Sara, pinaagi sa Agro-Forestry Program sang Municipal Environment and Natural Resources Office, nagpagpatigayon sang tree-planting activity nga may tema, “Tanum PPO, Tanum BSPO: Growing a Better Tomorrow in Support of Tanum Iloilo” sang Hunyo 27, 2026 sa Sitio Karig-as, Brgy. Muyco, Sara, Iloilo.
Kabahin sang aktibidad ang aktibo nga partisipasyon sang 134 ka Barangay Service Point Officers (BSPOs) halin sa 42 ka barangay sang banwa, kaupod ang mga kawani sang Agro-Forestry Program kag mga Child Development Workers (CDWs).
Bilang kabahin sang selebrasyon sang Philippine Arbor Day,nagtanom ang mga partisipante sang 1,000 ka cacao seedlings sa isa ka 10,000-square-meter nga duta, nga nagatinguha sa pagpalapnag sang kamahinungdanon sang pagpanalipod kag pagkonserbar sang kinaiyahan.
Ang inisyatibo nagatinguha nga mapalig-on ang partisipasyon sang komunidad sa pagpreserbar kag pagpadayon sang natural nga kahinguhaan sang banwa agud masiguro ang mas matawhay kag mas berde nga palaabuton para sa masunod nga mga henerasyon.
