Madinalag-on nga ginhiwat ang 2023 Summer Medical, Dental and Civic Action sa Brgy. Ardemil, Sara, Iloilo kag Rural Health Unit – Sara sang Marso 31, 2023.
Ang Medical kag Dental Mission ginhiwat sang Local Government Unit-Sara sa liderato ni Mayor Jon N. Aying, Vice Mayor Ryan S. Zerrudo kag mga Sangguniang Bayan Members, sa bulig sang Iloilo Provincial Government sa liderato ni Gov. Arthur Defensor, Jr., Dr. Jennifer Aying-Ramos, Department of Health-Iloilo, Iloilo Provincial Hospital (Pototan), Dr. Ricardo Y. Ladrido Memorial Hospital, Ramon Duremdes District Hospital, Don Valerio Palmares Sr. Memorial Hospital, Federico Roman Tirader Sr. Memorial District Hospital, PNP-Sara, BFP-Sara, volunteer doctors, nurses, dentists, baranggay officials, kag iban pa nga mga government employees.
Naglab-ot sa isa kalibo ka mga Saranhon ang nakabenepisyo sang mga libre nga medikal nga serbisyo; kung sa diin 37 sa circumcision, 378 sa consultation, 343 sa pharmacy, 106 sa eye glasses, 264 sa dental, kag 60 sa haircut.
Samtang, nagpasamat si Mayor Jon Aying sa ginhatag nga bulig kag serbisyo sang tanan sa ginhiwat nga programa.
