Ginblessingan ang bag-o nga Mini Dump Truck sang Local Government Unit- Sara, nga isa ka dugang nga kagamitan sang lokal nga panguluhan para sa mas episyente nga pagserbisyo sa mga pumuluyo, Agosto 3., 2026.
Ang procurement sang nasambit nga salakyan ginponduhan paagi sa 20% Development Fund CY 2025, nga may bid amount nga ₱1,499,000.00.
Ang bag-o nga Mini Dump Truck pagagamiton para sa collection kag hauling sang basura, pag-transport sang mga materyales kag kagamitan, kag pagbulig sa nagkalain-lain nga maintenance kag infrastructure activities sang LGU. Mahimo man ini magamit sa mga operasyon nga nagakinahanglan sang pagdala sang debris kag iban pa nga materyales, ilabi na sa pagresponde sa mga panginahanglan sang mga barangay.
Paagi sa sini nga bag-o nga kagamitan, ginapaabot nga mas mapabaskog pa ang kapasidad sang LGU-Sara sa pagpatuman sang waste management, maintenance, kag iban pa nga serbisyo publiko, para sa mas matinlo, episyente, kag mas responsive nga serbisyo sa komunidad.
Ang ini nga proyekto nagapakita sang padayon nga pag-invest sang LGU-Sara sa mga kagamitan nga direkta nga makabulig sa pagpaayo sang serbisyo kag pag-atipan sa mga panginahanglan sang pumuluyo.
