BANWA SANG SARA NAGSELEBRAR SANG ANTI-LITTERING DAY!
Posted on
Madinaglag-on nga nag-selebrar sang Anti-Littering Day nga may tema nga, “Basura Ko E-segregate Ko, Para sa Matinlo nga Banwa Ko!” ang banwa sang Sara sang Pebrero 17, 2023. Ini isa sa pamaagi sang LGU-Sara agud nga ipahanumdom sa mga Saranhon ang ginatawag nga importansya sa pagkontrol kag pag-segregate sang aton mga basura.
Ang programa may yara sang symposium hanungod sa Solid Waste Management, games parte sa segregation, kag pag-award sa mga nagpartisipar sa photo nook contest, solid waste management games, mga nagtambong sa programa, kag pag-rekognisa sa mga barangay, eskwelahan, kag baligyaan nga nagasunod sa husto nga segregation.
“Kabay pa nga ang programa nga ini makapukaw sa aton kabataan sang importansya sang ginatawag nga segregation. Kag tane e-praktis ta gid ini sa aton mga sulod sang panimalay, eskwelahan, kag natrabahoan agud nga mahagan-hagan ang pagdamo sang mga basura sa aton palibot… ” santu sa mensahe ni Mayor Aying.
Ang nasambit nga lihok gintambongan sang mga estudyante sa elementarya, sekondarya kag kolehiyo, mga tag-iya sang mga negosyo, kapitanes, empleyado sang munisipyo, kag mga lideres sang aton banwa.
