BHWS NAG-AGI SANG DUHA KA ADLAW NGA TRAINING SA PRIMARY HEALTH CARE KAG HEALTH EDUCATION PROMOTION!
Nagpatigayon sang duha ka adlaw nga “Training on Primary Health Care for Barangay Health Workers as Health Education Promotion Officers” gamit ang bag-o nga BHW Reference Manual para sa mga Barangay Health Workers (BHWs) sang banwa.
Ang nasambit nga training ginpangunahan sang mga resource speakers halin sa Provincial Health Office, kaupod ang mga personnel sang Rural Health Unit (RHU).
Luyag sang ini nga training nga mahasa, ma-refresh kag mapalapad pa gid ang ihibalo sang mga BHW parte sa ila importante nga papel kag responsibilidad sa komunidad bilang frontliners sa paghatag sang basic health services kag health education sa tagsa ka barangay.
Ginpat-od man diri ang importansya sang ila partisipasyon sa pagpasanyog sang maayong panglawas kag pagbulig sa mga programa sang gobyerno para sa mas mabaskog nga primary health care system.
