Isa sa mga matahom nga sarang ipabugal sang banwa sang Sara amo ang busay nga nahamtang sa Sitio Alibayog, Barangay Domingo, Sara, Iloilo, nga personal nga ginbisita ni Mayor Jon N. Aying sang Oktubre 13, 2026.
Ang ini nga busay isa ka potensyal nga atraksyon nga sarang mapauswag bilang bahin sang turismo sang banwa.
Paagi sa koordinasyon sa Tourism Division sang LGU-Sara, ginatan-aw ang posibilidad nga mapakilala kag mapauswag ang lugar bilang isa sa mga destinasyon sang lokal nga turismo, samtang ginahatagan sang importansya ang pag-amlig sa kalikasan, katawhayan sang mga bisita, kag kaayuhan sang lokal nga komunidad.
Padayon naton nga kilalahon, ipabugal, kag amligan ang mga natago nga katahum sang Sara!
