Ginhatag ang tig-₱40,000 nga insentibo sang Local Government Unit (LGU) sang Sara sa mga benepisyaryo nga cacao farmers bilang bulig sa ila pagtanom kag pag-harvest sang cacao sa ila mga kadutaan, Abril 7, 2026.
Ang nasambit nga insentibo ginahatag agud mapabakod ang produksyon sang cacao sa banwa kag masuportahan ang palangabuhian sang mga mangunguma. Ini nga programa kabahin sang Agro-forestry Program sang LGU-Sara nga nagatuyo magpalapnag sang sustainable nga pagpanguma kag pagpreserbar sang palibot.
Nagapakita man ini sang mabaskog kag padayon nga suporta sang LGU-Sara sa aton mga mangunguma, ilabi na sa paghatag sang dugang nga oportunidad agud mapauswag ang ila pangabuhi kag mapabakod ang sektor sang agrikultura sa banwa.
Padayon nga ginapabaskog sang LGU-Sara ang mga inisyatibo para sa kaayuhan sang sektor sang agrikultura kag sa padayon nga pag-uswag sang ekonomiya sang banwa.
SARA GUGMA KO!