Nagbadbad sang “Exit Call” si PLTCOL Norlan Perante sa katapo sang LGU-Sara, kag nagbadbad naman sang “Courtesy Call” si PMAJ Aldren A. Lamera sang Marso 30.

Si PMAJ Lamera ang nangin bag-o nga Officer-In-Charge sang Sara Municipal Police Station. Siya ang nagbulos kay PLTCOL Perante, bangud si PLTCOL Perante e-promote sa mataas nga pwesto sa syudad.

Si PLTCOL Perante nagserbisyo sa banwa sang Sara sa sulod sang anum (6) ka bulan, kung sa diin daku ang iya nabulig sa kahilwayan kag pagtapna sang krimen kag illegal nga droga sa aton banwa.

Nagpasalamat si Mayor Jon N. Aying sang pagserbisyo ni PLTCOL Perante sa aton banwa kag subong man gin-congratulate niya ini. Samtang, gin plastar naman niya kay PMAJ Lamera ang mga nanari-sari nga tinutuyo sang LGU-Sara ilabi na sa pag palapnag sang peace and order kag iban pa nga mga implementasyon nga gina patuman subong sa aton banwa may kaangtanan sa pag pahilayo naton sa illegal nga droga.

Nagpasalig man si PMAJ Lamera nga mangin aktibo ang PNP-Sara kag mag-upod sa mga tinutuyo sang LGU-Sara sa pasalig sang pagsuporta sa kampanya sang banwa kontra illegal nga droga, lose firearms, paghatag seguridad sa mga pumuluyo, kag pagtapna sang iban pa nga krimen sa aton banwa.

Madamo gid nga salamat PLTCOL Perante kag Welcome PMAJ Lamera sa banwa sang Sara!

SARA GUGMA KO!