Nagpatigayon sang courtesy call kay Mayor Jon N. Aying ang mga kandidato sang Miss Balangaw 2026 nga sanday Jizon Gidor Suarez kag Melchor Deocadez, upod ang mga dancers sang BALANGAW Sara-Chapter, subong nga Hulyo 15, 2026.
Sanday Suarez kag Deocadez ang mangin opisyal nga representante sang Banwa sang Sara sa Miss Balangaw 2026, nga pagahiwaton sa Hulyo 25-26 sa Banwa sang Barotac Viejo, kon sa diin magatiniripon ang mga delegado halin sa bug-os nga Fifth District sang Iloilo.
Sa tion sang courtesy call, ginpaabot ni Mayor Aying ang iya bug-os nga suporta sa duha ka kandidato, kag ginhingyo nga padayon nga ipakita ang talento, kumpiyansa, kag pagkaproud nga Saranhon sa ila pagrepresentar sang banwa.
