Nagkoordinasyon miting ang Department of Science and Technology (DOST) Western Visayas sa LGU-Sara nga may kaangtanan sa pagpatuman sang proyekto nga “Smarter Approaches to Reinvigorate Agriculture as an Industry in the Philippines (SARAI) Regional Hubs”, Hulyo 2, 2026.
Ang Project SARAI nagatinguha nga mapalapnag ang paggamit sang science-based agricultural technologies kag maghatag sang mga kagamitan, training, kag suporta sa mga lokal nga pangulohan agud mapalig-on ang climate-resilient farming communities sa rehiyon.
Ginakabig ang Banwa sang Sara bilang isa sa mga posible nga partner nga LGU kag benepisyaryo sang mga teknolohiya nga ipatuman sa idalom sang proyekto.
Sa miting sang DOST kay Mayor Jon N. Aying, kaupod diri ang mga representante sang Municipal Planning Office, Municipal Agriculture Office, Municipal Disaster Risk Reduction and Management Office (MDRRMO), kag Municipal Engineering Office.
Pinaagi sini nga inisyatibo, ginapaabot nga mas mapaligon pa ang sektor sang agrikultura sa banwa pinaagi sa paggamit sang siyensya kag moderno nga teknolohiya para sa mas produktibo kag mas malig-on nga pagpanguma sa Sara.
