Nagpatigayon ang LGU-Sara sang Drug-Free Workplace Program (DFWP), Drug Abuse Prevention Education (DAPE), kag Random Drug Testing para sa mga empleyado, opisyal, kag mga Punong Barangay sang banwa sang Sara, Mayo 28, 2026.
Ang aktibidad gin-organisar sa bulig sang Department of the Interior and Local Government (DILG) kag Philippine Drug Enforcement Agency (PDEA) bilang kabahin sang padayon nga kampanya kontra ilegal nga druga kag sa pagpasiguro sang matinlo, responsable, kag drug-free nga serbisyo publiko.
Naghatag sang lecture si IAV Nicolas C. Gomez, Provincial Officer sang PDEA, parte sa Drug-Free Workplace Program kag Drug Abuse Prevention Education ukon DAPE. Gintalakay man ang proseso sang random drug testing antes ginpatigayon ang aktwal nga drug testing pinaagi sa PDEA Laboratory Department.
Ang mga gin-random drug test amo ang mga kapitanes sang nagkalain-lain nga barangay sa banwa sang Sara, kaupod ang mga opisyal kag empleyado sang LGU-Sara.
Paagi sini nga inisyatibo, ginapakita sang LGU-Sara ang ila suporta sa kampanya sang gobyerno batok sa ilegal nga druga kag ang ila pagtinguha nga mapabilin nga matinlo, disiplinado, kag ehemplo nga institusyon para sa pumuluyo.
