Nakabaton sang cash incentives ang mga kwalipikado nga senior citizens sang Municipality of Sara bilang paghatag pagkilala kag pagpasidungog sa ila malawig nga kabuhi kag bilidhon nga kontribusyon sa pamilya kag komunidad, Agosto 3, 2026.
Base sa listahan sang National Commission of Senior Citizens (NCSC) Regional Office VI, may duha ka 100-year-old centenarians nga residente sang Sara nga kwalipikado sa centenarian grant. Sila sanday Lolo Leopoldo Baas Calubia sang Brgy. Juaneza kag Lola Candida Maderse Lindero sang Brgy. Villahermosa.
Ang tagsa-tagsa sa ila nakabaton sang ₱100,000.00 cash incentive bilang pagkilala sa paglab-ot sang edad nga 100 ka tuig.
Samtang, 61 kabilog naman nga naga-edad 90 anyos kag 80 anyos (Nonagenarian kag Octagenarian ) nakabaton naman sang tag ₱10,000.00 cash incentive sa idalom sang Expanded Centenarian Act of 2024.
Ang paghatag sang cash incentive nagapakita sang paghatag importansya kag pagrespeto sang gobyerno sa aton mga senior citizens, labi na sa mga naglab-ot sang milestone ages. Ini man isa ka pamaagi sang pagpasalamat sa ila mga tuig sang pag-amuma sa pamilya kag kontribusyon sa pag-uswag sang komunidad.
SARA GUGMA KO!
