Masinadyahon nga ginhiwat sang Nobyembre 4, 2026, sa Sara Activity Center ang Elderly Filipino Week Celebration 2026, nga naghatag sang pagkilala kag pagpasidungog sa mga senior citizen bangud sang ila bilidhon nga kontribusyon sa pamilya kag katilingban.
Ang selebrasyon may tema nga “Nakakatandang Pilipino: May Halaga at Karapatan, May Boses at Ambag sa Bayan,” nga nagahatag sang importansya sa kinamatarong, dignidad, kag papel sang mga katigulangan sa pag-uswag sang komunidad.
Sa iya mensahe, ginpabutyag ni Municipal Mayor Hon. Jon N. Aying nga kon ang kabataan amo ang paglaum sang banwa, ang mga ginikanan kag katigulangan naman amo ang paglaum kag inspirasyon sang kabataan, samtang ang mga apo amo ang paglaum sang masunod nga henerasyon.
Ginsambit man sang alkalde ang importante nga papel sang mga katigulangan sa paggiya, pagdisiplina, kag pagpaambit sang kaalam kag mga eksperiensya nga nagaserbi nga pundasyon sa paghulma sang mas maayo nga palaabuton sang kabataan.
Pinaagi sa sini nga selebrasyon, ginpabakod naton ang mensahe sang pagtahod, pagpalangga, kag pagpasalamat sa mga senior citizen nga padayon nga nagahatag sang inspirasyon kag kontribusyon sa pag-uswag sang banwa sang Sara.
