Mas ginpasanag kag ginpasadya ang gab-e sa Banwa sang Sara matapos opisyal nga ginbuksan ang Grand Carnival subong nga gab-e sa Pob. Ilawod bilang kabahin sang padayon nga pagsaulog sang nagapadulom nga ika-25 nga Sulay Basya Festival.
Maeksperyensyahan gid ang makalingaw nga rides, pagkaon, kag lain-lain nga atraksyon nga ginpreparar para sa sini nga selebrasyon.
Napuno sang kasadya kag kolor ang lugar bangud sa nagakaigo nga mga suga, musika, kag mga aktibidad nga gin-enjoy sang tanan nga nagtilipon.
Ang pagbukas sang Grand Carnival isa man ka paagi sang pagpakita sang mainiton nga pagbaton sang banwa sa mga bisita kag paghatag sang dugang nga kalipay sa mga pumuluyo samtang ginaselebrar ang kultura, paghiusa, kag pagpadayon sang tradisyon sang Sulay Basya Festival.
Gina-abi-abi man ang tanan nga magpadayon sa pag-upod kag pagpakigbahin sa nagkalain-lain nga aktibidad nga ginahanda sang banwa para sa sini nga makahuluganon nga selebrasyon.
#CarnivalSaSara
