Mga estudyante kag manunudlo sa elementarya kag sekondarya handa na bala kamo magtanom sa eskwelahan nyo? Handa na bala kamo magpa-indis kung kay sin-o tanom nga petchay kag okra ang mas matambok? Kay ang NISU AJUY HANDA NA GID YA! nga magtudlo sa inyo sang ORGANIC nga AGRIKULTURA.
Madasig nga gintugonan sang aton banwa ang promisa nga paga-suportahan ang proyekto kag ginpanghatag na ang mga agricultural tools kaangay sang pisaw, pala kag rake, amu man ang mga seeds kag seedlings sa mga elementarya kag sekondarya nga eskwelahan. Ginhiwat ini sa Brgy. Ardemil nga gintambongan kanday Mayor Jon Onick Aying, SBM Dennis Caraecle, SBM Joseph Aying, Sir Johnny Cristobal kag Mrs. Glendy P. Suerte.
Ini nga programa maga-bukas man sang oportunidad para sa dugang nga palangitan-an sa mga Saranhon. Kung ang mga kabataan nga Saranhon matudloan sang sini nga mga teknolohiya magadamo nga mga maalam sa patag sang panguma sa maabot nga mga tinion.
Gane, NISU-Ajuy, madamo gid nga salamat sa pag-implentar sang “Gulayan sa Paaralan” kag pagpili sang banwa sang Sara bilang isa sa mga benepisyaryo sang inyo nga programa.
URURUPOD KITA NGA MAGPA-UMWAD KAG MAGPA-PROGRESO SANG AGRIKULTURA SA ATON NGA BANWA!
SARA GUGMA KO!