Ginhiwat sang Lokal nga Panguluhan sang Sara, kaupod ang Sara Farmers Association (SAFA), ang ika-6 nga Annual Farmers’ Day Celebration 2026 sang Oktubre 30, 2026, sa Sara Activity Center, Poblacion Ilawod, Sara, Iloilo.
May tema nga “Mangunguma kag Mangingisda: Mangin Mapag-on, Alerto sa Pagpanghangkat sang Panahon, Palangabuhi-an Pauswagon,” ang selebrasyon nagahatag sang pagkilala kag pagpasalamat sa mga mangunguma nga padayon nga nagabulig sa pag-uswag sang agrikultura kag ekonomiya sang banwa.
Ang ini nga kahiwatan nagapakita sang padayon nga suporta sang LGU-Sara sa sektor sang agrikultura, subong man sa pagpasanyog sang malungtaron nga palangabuhian para sa mga Saranhon.
