Ano bala ang tinutuyo sang paghiwat sang flag raising ceremony? Ini bilang pagpakita sang pagpalangga, pagtahod, pagrespeto, kag paghatag dungog sa aton pungsod kag bandera.

Subong nga Lunes, petsa 27, bulan sang Pebrero, ginhiwat ang traditional flag raising ceremony sa Brgy. Improgo, Sara, Iloilo. Kaupod diri ang LGU-Sara officials, mga Barangay Officials, pumuluyo, kag day care workers kag learners.

Suno kay Kapitan Josie Baldonado, matapos ang 26 ka tuig subong na naman nga adlaw nagwagayway ang bandera sang Pilipinas sa ila Barangay. Dugang pa niya, isa ka kasaysayan ang adlaw nga ini sa ila.

Madinalag-on nga adlaw sang Lunes mga Saranhon! Indi ta gid paglipatan ang importansya sang aton bandera.

SARA GUGMA KO!