Bugal sang banwa ang pagpauli sang mga Kabataang-Saranhon sang mga medalya sa ginhiwat nga 2023 West Visayas Regional Athletic Association Meet sang Abril 26-30, 2023 sa Aklan Sports Complex Calangcang, Makayo, Aklan.
Nangin madinalag-on si Cleo Azuelo sa Athletics matapos makakuha sang duha ka gold medal sa 4x100m relay kag 4x400m relay, kag bronze medal sa 400m dash. Samtang, si Xian Raj P. Hondrado naman nangin madinalag-on sa Table Tennis matapos makakuha sang gold medal sa doubles category kag silver medal sa singles category. Dugang pa, nangin madinalag-on man kanday Alfredo Bueno, Jr., Andrea Plasencia, Janry Songcayawon, Jr., kag Jelian Dugayo sa Paragames-Bocce, matapos nga nakakuha sang gold medal sa singles category si Bueno kag Plasencia, kag nakakuha sila nga apat sang gold medals sa Team Category. Sila na ang segurado nga magarepresenta sa Western Visayas sa pagahiwaton nga Palarong Pambansa 2023 sa isports nga Bocce.
Dugang nga impormasyon, sila ang una nga mga Kabataang-Saranhon nga nagpauli sang tropiyo bilang mga kampyeon sa nagkalain-lain nga isports kag sila man naghatag dungog nga mangin parte sa history sa banwa sang Sara.
Personal sila nga nagbisita kay Mayor Jon Onick Aying agud magpasalamat sang suporta sa ila sang Mayo 3.
Sa pagsugilanon nila kay Mayor Aying, nangako si Mayor nga magahatag sang Php10, 000.00 sa tagsa-isa para sa ila dugang nga allowances sa Palarong Pambansa 2023. Subong man, ang LGU-Sara magahatag sang 100% nga suporta sa sunod nila nga kompetisyon.
CONGRATULATIONS MGA KAMPYEON! PROUD GID ANG BUG-OS NGA SARANHON SA INYO! MADAMO NGA SALAMAT SA PAGHATAG SANG DUNGOG SA BANWA SANG SARA!
SARA GUGMA KO!
