Nag-courtesy visit kay Mayor Jon N. Aying ang kapin 50 ka Field Training Program (FTP) trainees sang Regional Special Training Unit 6 (RSTU 6) nga gin-deploy sa Sara Municipal Police Station, Hunyo 29, 2026.
Suno kay Mayor Jon N. Aying, ang deployment sang mga trainees magapalig-on sang police visibility kag magahatag sa ila sang aktuwal nga eksperyensya sa police operations kag pagserbisyo sa komunidad.
Magabulig ang mga trainees sa foot kag mobile patrol, traffic management, seguridad sa mga pampubliko nga lugar kag eskwelahan, kag iban pa nga police activities.
Ginpahayag man nga ang ila presensya makabulig sa mas madasig nga pagresponde sa mga insidente kag sa pagmintinar sang kalinong kag katawhayan sa banwa sang Sara.
