Nag-upod ang nagkalainlain nga Lions Clubs sang Iloilo sa sa pagpanguna sang Iloilo City North Lions Club kag ginbuligan sang Lokal nga Panguluhan sang Sara (LGU Sara), sa pagpatigayon sang Medical Mission sa Barangay Latawan agud makahatag sang libre kag de-kalidad nga serbisyo panglawas sa komunidad, Hulyo 24, 2026.
Gin-ugyonan ini sang mga pumuluyo sang Barangay Latawan: mga senior citizens, mga ginikanan, kag mga kabataan sang Brgy. Latawan Primary School nga nangin benepisyaryo sang nagkalainlain nga programa para sa ila ikaayong-lawas.
Kabahin sang mga serbisyo nga ginhatag amo ang general medical consultation, blood pressure kag blood sugar screening, pagpanagtag sang libre nga bulong, health education kag wellness counseling, vision screening nga may libre nga reading glasses, referral services para sa nagakinahanglan sang dugang nga medikal nga pag-atipan, feeding program, kag libre nga haircut.
Nagpakita ini sang daku nga pagbinuligay sang mga organisasyon kag sang LGU sa pagpalapnag sang serbisyo nga nagahatag paglaum kag suporta sa tagsa ka pamilya.
Nagapasalamat man ang Lokal nga Panguluhan sang Sara sa mga organisasyon nga nangin kabahin sang ini nga inisyatibo: Iloilo City North Heritage sa pagpanguna ni President/Founder Ron Canones; Dumangas Lions sa pagpanguna ni District Executive Administrator Dea Luzviminda Aragon; Iloilo Diamond Lions Club sa pagpanguna ni Regional Chairperson Jeremy Aquino; Kiwanis Iloilo sa pagpanguna ni President Dr. Victor Baldovia; Iloilo City Professional Lions Club District 301-B1 sa pagpanguna ni President Dr. Sonia M. Gallon; kag Barotac Nuevo Metro Lions Club sa pagpanguna ni President Terry Ablanzar.
Pinaagi sa sini nga Medical Mission Project Initiative, ginpakita sang mga partner organizations kag LGU Sara nga ang matuod nga serbisyo publiko nagasugod sa pag-atipan sang ikaayong-lawas sang komunidad, bilang padayon nga pagpasanyog sang mas mabaskog, kag mas mainuswagon nga banwa sang Sara.
SARA GUGMA KO!