Ginkalipay sang 80 ka mga Saranhon matapos nga nabaton na nila ang mga bomba kag basin sang Marso 10, 2023.

Ang mga nakabaton amu ang nag-apply para sa listahan sang wala kaugalingon nga bomba o basin. Gane, sa padayon nga pagpanikasog sang munisipyo nga mabatian ang tingog sang pumuluyo kag matagaan sang bulig kag serbisyo ang mga Saranhon, ang bug-os nga LGU nagbuligay para matigayon ang pagpanghatag sang mga basin kag bomba.

“Madamo nga salamat gid sa LGU, indi na kinahanglanon sang akon mga kabataan nga magkadto pa sa pihak nga kanto agud magsag-ob sang amon tubig…”, ini suno sa isa ka benepisyaryo.

Suno naman kay Mayor Jon N. Aying kag Vice Mayor Ryan S. Zerrudo, seguraduhon gid nila nga ang gakaangay nga mga benepisyo mabaton gid sang mga Saranhon basta magbuyloghanay lang ang tanan.

SARA GUGMA KO!