Gin-komenda sang LGU-Sara ang mga personnel sang Philippine National Pulis – Sara matapos sang pagpakita nila sang ila kaayo, kaisog, kaalam, kag abilidad sa serbisyo nga maaresto ang mga “wanted individuals” kag iban pa nga may mga warrant of arrest.
Ginpaagi ang komenda sa paghatag sang Commendation Letter kadungan sang Traditional Flag Raising Ceremony, Hunyo 5, 2023.
Sa sulod sang tatlo (3) ka bulan, sila naka-aresto kag naka-dakop sang mga kawatan kag mga akosadu sang murder nga may mga warrant of arrest. Subong man, nangin madinalag-on pa gid sila sa pagdakop sang mga indibidwal nga nakasala sa Presidential Decree 1602 (Stiffer Penalties of Illegal Gambling) kag Republict Act 9165 (Comprehensive Dangerous Drugs Act).
Ang mga nasambit nga obra kag serbisyo ila natuman paagi sa liderato ni PMAJ Aldren Lamera kag pagkoopera sang mga staff kag personnel sang Sara Municipal Police Station.
Madamo gid nga salamat sa aton mga kapulisan, ang inyo nga bulawanon nga serbisyo daku gid nga bulig sa banwa naton.
SARA GUGMA KO!