Mainiton nga ginbaton sang Local Government Unit of Sara ang delegasyon sang Local Government Unit of Tantangan, South Cotabato sa ila benchmarking visit nga ginpatigayon sang Hulyo 20, 2026.
Santu sa ila pormal nga request letter, nagtinguha nga matun-an nila ang mga programa, inobasyon, kag best practices sang banwa.
Sa programa, ginpresentar sang LGU Sara ang nagkalain-lain nga best practices, flagship programs, kag mga awards nga nagpamatuod sang padayon nga pag-angkon sang pagkilala sa maayo nga pang-gobyerno, episyente nga paghatag sang serbisyo publiko, kag mga inisyatibo para sa komunidad.
Kasunod sang presentasyon, gindala man ang mga bisita sa isa ka educational tour pinaagi sa Sara Gugma Ko Bus, kun sa diin ila ginbisita ang bag-o nga natukod nga Barangay Devera Government Center agud personal nga makita ang isa sa mga proyekto nga nagapakita sang padayon nga pag-uswag kag dedikasyon sang LGU Sara sa pagpalapit sang serbisyo sa pumuluyo.
Ang benchmarking visit naghatag sang kahigayunan sa duha ka lokal nga panguluhan nga magbinahinay sang mga ideya, eksperyensya, kag epektibo nga mga pamaagi nga mahimo magamit sa ila tagsa ka komunidad, bilang kabahin sang padayon nga pagtinguha sang maayo nga pang-gobyerno kag mas mataas nga kalidad sang serbisyo publiko.