Padayon nga ginapakita sang SARA GUGMA KO, pinaagi sa Local Government Unit of Sara kag RHU Sara, ang ila pag-atipan sa kahimsog sang kabataan paagi sa Libreng Tuli 2026.
Sa subong, yara na sa 155 ka mga kabataan ang nakabenepisyo sang libre nga tuli nga ginapatigayon para sa nagkalain-lain nga barangay sa banwa.
Kabahin ini sang programa sang LGU nga nagatuyo maghatag sang accessible kag libre nga serbisyo panglawas para sa mga kabataan kag pamilya sang Sara.
Ang pagpatuli isa ka importante nga tikang para sa mas maayo nga personal hygiene kag paglikaw sa impeksyon kag iban pa nga problema sa panglawas. Paagi sini, mas naganubo ang risgo sang impeksyon kag mas naprotektahan ang kahimsog sang kabataan.
Nagapasalamat man ang LGU Sara kag RHU Sara sa tanan nga health workers, volunteers kag ginikanan nga nagasuporta sa sini nga programa para sa kaayuhan sang kabataan sang banwa.
