Ginpatigayon sa Brgy. Aposaga, Sara, Iloilo ang opisyal nga paghiwat sang Measles-Rubella Supplemental Immunization Activity (MR SIA) bilang kabahin sang padayon nga kampanya sa pagproteher sa mga kabataan batok sa tigdas kag rubella, Agosto 3, 2026.
Ginhiwat ini pinaagi sa pagbinuligay sang Sara Rural Health Unit (RHU), DOH-HRH Sara, kag Local Government Unit (LGU)-Sara, bilang pagpamatuod sang ila padayon nga pag-unong sa pag-amlig sang ikaayong lawas kag kaayuhan sang mga kabataan sa komunidad.
Pinaagi sa MR SIA, gina-engganyo ang mga ginikanan kag guardians nga ipabakuna ang mga kabataan nga naga-edad 6 tubtob 59 ka bulan, lakip ang mga bata nga wala pa maglima ka tuig ang edad, sa mga vaccination site ukon pinakamalapit nga health center.
