Halin sa sapa nga may madamo nga nagalapta kag nagaperwisyo nga basura, subong makita ang mas matinlo nga Mabang Sapa sa Barangay Poblacion Ilawod, sa diin mas mahapos na ang pag-agi sang tubig bunga sang pagbinuligay kag responsable nga solid waste management sang mga pumoloyo kag barangay officials.
Ini nga pagbag-o nagapakita nga sa disiplina, kooperasyon, kag pagkabalaka sa palibot, posible ang mas matinlo kag mas maayo nga komunidad.
Daku nga pagpasalamat sang LGU-Sara kay Punong Barangay Godfrey Sonza, sa mga Barangay Officials, kag sa tanan nga pumuluyo sang Poblacion Ilawod sa ila suporta, pagpangikasog, kag paghiusa sa pagmentinar sang kalimpyosa palibot.
Ang Mabang Sapa pamatuod nga kon ang komunidad nagahiliusa, ang kalimpyo indi lamang handum—kundi isa ka realidad, isa ka kabuhi!
