Nag-attend si Mayor Jon N. Aying sa PhilHealth Local Chief Executive Forum nga ginhiwat sini nga Oktubre 5, 2026 sa CHM Hostel, NISU-VSSC, Sara, Iloilo.
Ang forum, nga gin-organisa sang PhilHealth Local Health Insurance Office–Sara, naghatag sang oportunidad sa mga Local Government Unit (LGU) stakeholders nga magbinuligay kag magpaambit sang ila mga panan-aw, eksperyensya kag rekomendasyon parte sa mga polisiya, programa kag serbisyo sang PhilHealth.
Pinaagi sa amo nga pagtililipon, ginapalig-on ang kooperasyon kag koordinasyon sang PhilHealth kag LGUs agud mas mapauswag pa ang paghatag sang dekalidad, accessible kag abot-kaya nga serbisyo panglawas para sa komunidad.
