MAYOR AYING, NAKABATON SANG 2026 SALUDO EXCELLENCE AWARD FOR OUTSTANDING MAYOR OF THE YEAR!
LGU SARA NAKABATON SANG 2026 EXCELLENCE AWARD FOR OUTSTANDING LGU IN TERMS OF PROGRAMS AND PROJECT IMPLEMENTED!
Ginpasidunggan si Mayor Jon N. Aying sang duha (2) ka prestihiyoso nga awards sa ginhiwat nga 10th Saludo Excellence Award sang Abril 12, 2026 sa Centennial Hall, Manila Hotel.
Nabaton sang alkalde ang 2026 Saludo Excellence Award for Outstanding LGU in Terms of Programs and Project Implemented kag 2026 Saludo Excellence Award for Outstanding Mayor of the Year, bilang pagkilala sa iya madinalag-on nga pagpanguna kag epektibo nga implementasyon sang mga programa para sa banwa.
Sa interview sang Saludo Awards ni Mayor Aying iya ginpresentar ang madinalag-on nga pagbag-o sang Sara paagi sa programa nga SARA GUGMA KO 11-Point Agenda, nga ginpatigayon sa sulod sang lima ka tuig. Halin sa isa ka simple nga banwa, nangin First Class Municipality ini, bangod sa maayo nga pagpanguna, pagsebisyo sa katawhan, kag pagpalapnag sang kaayuhan sa tanan nga sektor.
Sa sini nga programa:
- Nagin malinong kag matahum ang seguridad sang banwa
- Nadula ang problema sa ilegal nga droga sa tanan nga barangay
- Nagbaskog ang ekonomiya kag pangabuhian sang katawhan
- Nagdamo ang proyekto sa imprastruktura kag teknolohiya
- Nagin accessible ang healthcare kag serbisyo-medikal
- Natib-ong ang kahandaan sa kalamidad
- Napabakod ang edukasyon, moralidad, kag espiritwalidad
- Naprotektahan ang palibot kag kalikupan
- Nagin modern kag episyente ang LGU
- Ang mga Saranhon nangin organisado, aktibo, kag mabinungahon
Sa kabug-osan, ang epekto sang programa amo ang: mas kusog nga ekonomiya, mqs madamo nga oportunidad, kag mas malinong kag matahum nga palangabuhi-an.
Ang ginpresentar ni Mayor Aying indi lang numero ang nagasiling sang kadalag-an—kundi ang kasadya sang katawhan, kag gugma nga ginabatyag sa tagsa ka pumuluyo.
Dugang pa, kaupod niya sa pagbaton sang nasambit nga pagkilala amu sanday: Municipal Administrator, Engr. Lea L. Aying, Acting Municipal Treasurer, Ms. Govinda Dasi A. Wisniewski, Municipal Engineer, Engr. Vicente Millares, GSO I, Mr. Rhyan Besin, OIC MENRO/MPDO/MAO, Engr. Julius Buenafe, Acting MSWDO, Ms. Aries L. Taasan, kag LDRRMO, Mr. Edwin Aguenido.
Ang Saludo Excellence Awards isa ka prestihiyoso nga national recognition nga nagahatag dungog sa mga indibidwal, lider, kag organisasyon nga nagapakita sang talagsaon nga serbisyo, kaamayuhan, kag dedikasyon sa ila komunidad. Ini nagapahayag sang integridad, pag-ulikid, kag matutom nga pag-alagad sa publiko.
Ang amu nga kadungganan indi lamang para sa isa ka lider, kundi para sa bug-os nga LGU Sara nga padayon nga nagapangabudlay para sa kaayuhan sang pumuluyo—isa ka malinong nga padalagan sang serbisyo nga may tagipusuon kag tinutuyo.
