Nagpakita sang iya padayon nga suporta sa edukasyon kag aktibo nga partisipasyon sang mga ginikanan si Mayor Jon N. Aying pinaagi sa pagtambong sa HPTA kag SPTA Induction and Oath-Taking Ceremony sang Del Castillo Elementary School (DCES) nga ginpatigayon sang Hulyo 27, 2026 sa DCES Multi-Purpose Hall.
Ang programa naglakip sang pag-induct kag panumpa sang mga bag-o nga Homeroom PTA Officers, SPTA Officers, kag iba pa nga mga lider sang organisasyon nga mangin kabahin sa pagpalig-on sang partnership sang eskwelahan, mga ginikanan, kag komunidad para sa kaayuhan sang mga kabataan.
Sa iya mensahe sang suporta, ginpabutyag ni Mayor Aying ang importansya sang mabaskog nga pagbinuligay sang lokal nga panguluhan, mga ginikanan, kag mga manunudlo agud mapadayon ang mataas nga kalidad sang edukasyon kag ang paghulma sang responsableng kabataan.
Ang programa nagtinguha nga mapalig-on ang liderato sang PTA kag mapabakod ang kooperasyon sa tunga sang eskwelahan, ginikanan, barangay, kag lokal nga panguluhan agud masiguro ang mas maayo nga palaabuton para sa mga kabataan sang Del Castillo Elementary School.
