Masadya nga nagbisita ang mga Atletang-Saranhon nga nagpuli sang mga medalya kay Mayor Jon N. Aying sang Marso 29, 2023.

Sila nangin mapalaron nga nagpuli sang mga gold, silver, kag bronze medals sa ginhiwat nga Division of Iloilo Sports Meet 2023 sa nagkalain-lain nga isports. Ginkalipay ini ni Mayor Aying kay dungog ini sang aton banwa kay nagapakita lang ini nga ang mga Kabataang-Saranhon naga-sidlak sa patag sang isport.

Ang tagsa-isa sa mga athletes nakabaton sang cash incentives bilang pagpasalamat sang LGU-Sara sa paghatag nila dungog sa aton banwa.

Proud gid kami sa inyo mga Atletang-Saranhon! Panginbulahan!

SARA GUGMA KO!