Bida ang kaanyag kag “ka-kyutan” sang mga kabataan nga estudyante sang Zerrudo Learning Center Incorporated, matapos nga naghiwat sila sang ila 1st Foundation Day sang nanligad nga Mayo 12.

Nangin highlights sang ila programa ang family day kag ang 1st Grand Coronation Day, kung sa diin nagsuksok sang mga maanyag nga ball gown, suits, kag tuxedo ang mga chikiting.

May yara nga ginhiwat nga parada sakay sa kalesa kag mga car parade float sa Poblacion bag-o nag-koronasyon sa Sara Municipal Gymnasium. Ang ila mga float gin-disenyohan sang mga nagkalain-lain nga duag sang mga bulak sang mga sikat nga event organizers nga tumandok mismo sang Sara.

Si Mayor Jon N. Aying, kaupod ang pila ka mga katapo sang LGU-Sara nahatagan kahigayonan nga magtambong sa koronasyon sang ila nga Hara nga si Vyannah Dayne, ang Hari nga si King Charles, kag ang ila mga nangin prinsesa kag prinsipe.

All hail and bow down to their majesty princesses, princeses, queen, and king! Happy 1st Foundation Day, ZLCI!

SARA GUGMA KO!